समाचारमा जनआस्था अगाडी लेख्छ : खिलराज रेग्मीलाई मन्त्रीपरिषद् प्रमुख बनाएको विरोधमा नया माओवादी सहितका साना ३३ दलहरुले निरन्तर आन्दोलन गरिरहेका छन् । खिलराजले सपथ लिएकै दिनमा माओवादी गठबन्धनले उपत्यका बन्द नै आवहन गर्यो । राष्ट्रपति देखि सरकार प्रमुखसम्मको पुत्ला जलायो । चुनाव हुने नै भए प्रचण्डको समेत खुट्टा भाचिदिने भनेर किरणले काभ्रेको अनेकोट पुगेर भाषण नै गरिदिए । तर दुई माओवादीका अध्यक्षबीच चुनावका बारेमा भित्रभित्रै भने बेग्लै कुरा भएको छ । गत शुक्रवार प्रचण्डले किरणलाई भेटेर साउती गरे–‘आन्दोलन भन्दा चुनावमा जोड दिउ“ । आन्दोलनलाई बढीमा असारको चुनाव धकेलिने गरि मात्रै बढाउ“ । मंसिरमा चुनाव हुने वातावरण तयार गरौं । सके एउटै पार्टीबाट चुनाव लडौं, नभए कार्यगत एकता गरौं । राष्ट्रपति हाम्रोबाट बनाऔं र प्रधानमन्त्री वादललाई बनाऔं ।’ प्रचण्डको प्रस्ताव आफुहरुले गरेको आन्दोलनलाई तुहाउनकै लागि आएको हो भन्ने बुझेर किरणले चाहि प्रचण्डलाई तुरुन्तै जवाफ दिएछन्–‘नहुने चुनावको कुरै नगरौं ।’


किरणसग गरेको कुराकानीमा जोडेर थपथाप पार्दै आफुनिकटका नेतालाई बोलाएर प्रचण्डले भनेछन्–‘भर्खरै सरकारबाट बाहिरिएकाले जनतामा माओवादीले केही गरेन, नराम्रा काम मात्रै गर्यो भनेर बद्नाम भएको अवस्था छ । असारमा चुनाव भयो भने हाम्रो पोजिसन राम्रो हुदैन । किरणजी र साथीहरुसग कुरा भएको छ, असारको चुनाव धकेल्ने, मंसिरमा गोलमेच गरेर किरणजीहरुको पनि फेस सेभिङ्ग गर्ने, चुनावमा सगै जाने, हामीले राष्ट्रपति लिने, वादलजीलाई प्रधानमन्त्री दिने गरि कुराकानी भएको छ । अरु साथीहरुले भन्दा बढी किरणजीबाट यसमा अविश्वास ब्यक्त भएको छ ।’ प्रचण्डको थप भनाई थियो–‘चुनाव गर्न हुन्न भन्यो भने कांग्रेस एमाले चुनाव गराउनै पर्छ भन्न थाल्छन्, त्यसैले हामीले उनीहरुले भन्दा चर्कोसग चुनाव असारमै गर्नुपर्छ भन्नुपर्छ, उनीहरु माओवादीले जित्छ क्यारे भनेर चुनाव सार्न खोज्छन्, हामीले सर्त राखेर चुनाव सार्न पाइन्छ । त्यसका लागि किरणजीहरुको आन्दोलनले सहयोग गर्छ । केही लागेन भने आन्दोलन छ, अस्तब्यस्त छ भनेर चुनाव सार्न सकिन्छ । चुनावमा जाने गरि किरणहरुसग कुरा मिलाउन सकियो भने पार्टी फुटको औचित्य पुष्टि गर्न उहाहरुलाई गाह्रो हुन्छ । उहाहरुलाई रक्षात्मक बनाएर कांग्रेस एमाले बिरुद्ध लड्ने हतियार बनाउनुपर्छ ।’

साभार: नेपालसन्देश डट कम